اللبن و الزبدة كانو خواتات
مافارقوهوم غير لعيالات
إلا حلفو فيك نسا
بات فايق و دير العسة
ديرها فرجال و تراجاها
و ديرها فنسا و لا تنساها
إمدح صاحبك مع ناس
و لومو راس ف راس
كولها و محاينو و كولشي محتاج لدعاوي
كاين لي صابر على همو
و كاين لي فيه كثرة شكاوي
الهضرة عليك الحادر عينيك
لي حبك ما بنى ليك قصر
و لي كرهك ما حفر ليك قبر
لي ماجابتو لمحبة ماتجيبو الحزارة
و إلى شفتيهوم دارو علينا عرف عينيهوم فينا
0 التعليقات:
إرسال تعليق