إلى دخلت للبير طول حبلك
وإلى دخلت فالتجارة طول بالك
و إلى دخلت لسوق النسا رد بالك.
تعطيهم عينيك يطمعوا في حواجبك !
ما كاين لا حبي لا حبيبتي .. كاين غير ربي و ميمتي ♥
-مـــايضياق خاطرك وتخمم بزاف...
الدنيا فرحة و هم و ايدا تبّعتها رايح تندم..
ولي ماهو ليك غير اعييك
دير ساعة بساعة و نهار يجيب انهار
ولي جيبو ربي ليك هداك انصيبك
الفرحة ياك مشي بالمال بالقلب المرتاح
و المفتاح الدنيا في يدك يفتاح باب الرحمة
الا بغيت ترتاح وغلق باب الهم تستراح
حل عينيك قبل الزواج
أما بعد الزواج غير غمضهم
عيب الأرض قلة المطر
و عيب الراجل في سكاتو
والي يحمل كلمة الذل
موتو خير من حياتو
كاين اللي عندو جوابو في فمو, وكاين اللي داسو في كمو, وكاين اللي حتى يشاور مو.
أولاد اليوم غير الهدرة و القمقوم والطولة فاتت السلوم
السلف هم و لو يكون درهم، والزواج هم و لو يكون من بنت العم
اللي شاب و ماتاب شيبو خسارة، كيف العود اليابس بلا نوارة.
اللي يحبك بالطمع يجي يوم منك يشبع.
لو كنت عرفت الكلب يعضني كن رخيت لو شرويطة
يا الشايب يا المشبب يا القابض الطريق البعيدة، الناس درسات وحرثات وانت عاد غادي للحصيدة
قالت العودة: منين ولدت أولادي، ما أشربت مايا صافي ولا علف وافي.
قاللو: باش كتاكل الشوك أعمي الجمل ؟ قالهم : باللسان الرطب.
قاللو راني مغطي غير بالرملة .قاللو حمد الله على رميلتك لايجي الريح ويديها لك.
اللهم الخبز البايت ولا سفنج الشمايت
جيتي الله يخليك،مشيتي الله يهنيك،حتى انا قلبي مامولفشي بيك.
لا ديــر الثقة . فمنوالا .
وتعاشر . الحوالا .
ودرب ليـك شي دربالا .
وعيـش حياة النيپالا .
ضحك ونشط وبقى متبسم .
باش فصغرك ماتهز الهم .
راه حنا غا لحم ودم .
يتبوشا ليـك شي عرق وتندم !
وتولي غا غادي مڭدم .
ويتسد ليك الفم .
وصوتك . يتبانو عليـه بيبان .
وتولي محڭور .
ولا شافوك كلهم يشهدو فيـك زور
